GENERAL, NAKAR, Quezon- Tinanggap ng lokal na pamahalaan ng General Nakar, Quezon ang plake ng pagkilala na Exemplary Practice in Composting Facility Operations mula sa Department of Environment and Natural Resources ( DENR) sa ginanap na Environmental Summit 2023 Tagaytay kamakailan.
Tinanggap ni Jing Astejada ng Municipal Environment & Natural Resources Office (MENRO) ang plake at kinatawan ni Mayor Esee Ruzol.
Ayon sa MENRO General Nakar, ang pamamahala ng basura ay hindi lamang isang tungkulin kundi isang pagpapakita ng malasakit sa kalikasan.
Layunin ng Environmental Summit na itampok ang mga programa at proyekto ng national at local government unit na nag-ambag sa pagsusulong ng social at economic development habang pinoprotektahan ang kalikasan tungo sa sustainable development. (Anna Gob)
LGU General Nakar
