Bahagyang humina ang bagyong Egay habang tinatahak nito ang direksyon patungong Batanes, ayon sa latest bulletin ng PAGASA kaninang alas-5 ng umaga, Hulyo 27.
Ayon sa weather bureau, namataan ang mata ng bagyo sa Kanluran ng Basco Batanes.
Dala nito ang hangin na may lakas na 150 km/h na may kasamang pagbugso na 185 km/hour.
Nakataas pa rin ang Signal No. 2 sa Batanes, Cagayan kasama ang Babuyan Islands, Apayao, Kalinga, Abra, Ilocos Norte, and the northern at gitnang bahagi ng Ilocos Sur (Magsingal, San Esteban, Banayoyo, Burgos, City of Candon, Santiago, San Vicente, Santa Catalina, Lidlidda, Nagbukel, Sinait, San Ildefonso, Galimuyod, City of Vigan, San Emilio, Cabugao, Caoayan, San Juan, Santa, Bantay, Santo Domingo, Santa Maria, Narvacan).
Habang nakataas naman ang Signal No. 1 sa
Isabela, Quirino, Nueva Vizcaya, Mountain Province, Ifugao, Benguet, natitirang bahagi ng Ilocos Sur, La Union, Pangasinan, Aurora, Nueva Ecija, Tarlac, at northern portion ng Zambales.
Bagamat humina ang bagyong Egay, palalakasin pa rin ito ng hanging habagat at magdadala ng mga pag-ulan sa Kanlurang bahagi ng Central Luzon at Southern Luzon sa loob ng tatlong araw.
Inaasahang maglalandfall ang bagong Egay sa Fujian, China sa Biyernes ng umaga.
Samantala, pinapayuhan pa rin ang maliliit na sasakyang pandagat na iwasang magbiyahe dahil patuloy pa rin na magbibigay ng malakas na hangin at alon ang bagyong Egay.
Payo pa ng PAGASA, lumikas ang mga residente na nasa matataas na lugar upang maiwasan ang mga pagguho ng lupa. (Anna Gob)
DOST-PAGASA
